Euskadiko Kutxa eta Ipar Kutxaren arteko bateraketarako lehenengo hastapenak eman dira

Euskadiko Kutxak eta Ipar Kutxak bat egiteko elkarrizketak hasi dituzte, urte amaieran elkarketa gauzatu ahal izateko. Sektoreko lehiakideak gero eta handiagoak eta gero eta lehiakorragoak izaten ari dira, horrek prozesua bizkortu egin du, eta lehenengo kontaktuak eta bilerak garatzen ari dira. Oro har, iaz 30 milioi euro irabazi zituzten bien artean. Irabaziek jaitsiera nabarmenak izan zituzten. Euskadiko Kutxak 19,4 milioi euro irabazi zituen, 2010ean baino %62 gutxiago.

Joan den martxoaren 29an greba orokorra antolatu zen Estatuan, eta ondorioak mobilizazioak gauzatu aurretik azaldu ziren. Hain zuzen ere, Espainiako presidente Mariano Rajoyk argi utzi zuen hasiera batetik lan-erreforman ez zuela aldaketarik egingo. Azkenaldi honetan, alderdi popularreko buruak zenbait arau edo neurri berriak proposatu ditu, Estatuko ekonomian eragina izan ditzaketenak.

Gipuzkoak eta Bizkaiak ez dute amnistia fiskalik emango

Gipuzkoako eta Bizkaiko foru aldundiek erabaki dute amnistia fiskalik ez ematea, horrela aurre egin diote euskal aldundiek Espainiako Gobernuak onartutako neurriari. Hain zuzen, zerga iruzurgileei %10eko tasa baten truke zorra barkatzeko Gobernu zentralak eman nahi duen aukerak Nafarroako Gobernua zatituta azaldu du, “UPN aztertzeko prest” dagoela.