Askok Gabonak familiarekin eta lagunekin denbora gehiago pasatzeko aitzakia bezala ikusten dute; horregatik, taberna, hotel edota merkataritza-gune ugarik euren eskaintzak aldatzen edo moldatzen dituzte garai honetan, bezero eta kontsumitzaileen nahiak edo gustuak asetzeko. Festa edo gala hauetako bat Gabon zahar gaueko kotilioia da.

Jai hauetan sartzeko, diru kopuru bat ordaintzen da, eta, ondoren, ordaindutako sarrera horren truke honakoak eskura ditzakegu: edariak, gosaria, zozketetan parte hartzeko aukera edo musika, besteak beste. Mota askotako kotilioiak daude, gazteentzat zein nagusientzat, eta prezioa 40 eta 250 euro artekoak izan daiteke (preziorik altuenak hoteletan izan ohi dira eta afaria barne izaten dute).

Aurtengo Gabon zahar gauean mota honetako festa batean parte hartu nahi baduzue, kontsultatu hurrengo tokietan (soilik adibideak dira, beste asko ere badaude):

GIPUZKOAN: Cafe Irun, Bataplán, Hotel Barceló Costa Vasca
BIZKAIAN: RockStar Bilbao, Sala Vip, Gran Hotel Domine Bilbao
ARABAN: Hotel Barceló, The Group aretoa, Hotel General Alava