Jaurlaritzak 2.215 eskari jaso ditu etxebizitza arloan

Bizkaiko Aldundiak helburu estrategikoa ezarri du enplegua suspertzeko

Bizkaiko Foru Aldundiko Ekonomia Sustatzeko Sailak enplegua sortzeari eta finkatzeari emango dio lehentasuna 2011-2015 legegintzaldian. Imanol Pradales diputatuak jarduteko bost ardatz estrategikoren bidez jarri nahi du martxan helburu hori, enpresak bultzatzea, ETEei bultzada berria ematea, gazteak laneratzea eta autonomoei laguntzea, azpiegiturak sustatzea eta turismoaren industria bultzatzea.

Ekonomia Sustatzeko foru diputatuaren ustez enplegua berreskuratzeari eta finkatzeari lehentasun osoa emango zaio 2011-2015 legegintzaldi berri honetan.

Enpresen sorrera eta lehiakortasuna

Lehenengo ardatz estrategikoa empresa berrien sustapena da. Garrantzi berezia emango zaie kultura ekintzailea sustatzeari eta enpresa-proiektuak garatzeari, besteak beste.

Lehiakortasunari begira, ETEak berrabiarazteko plana eratu dute BFAn, plan honek funtsezko hiru ardatz izango ditu: berrikuntza, nazioartekotzea eta inbertsioa.

Gazteak eta autonomoak

Hirugarren ardatz estrategikoa enplegagarritasuna da, non gazteak laneratzea eta autonomoei laguntzea erdigunea izango dira.

Bestalde, legegintzaldi berrian dinamizazioari ere garratzia emango zaio, azpiegitura ekonomiko, teknologiko eta sozialen sustapenarekin batera.

Azkenik, erakargarritasunari dagokionez, kanporako sustapena eta turismoaren industria aztertuko da, baita kanporako bultzada azpimarratuz.

Imanol Pradales, BFAko Ekonomia Sustatzeko Saileko diputatua

Arabako Foru Aldundiak gastu propioa %16 jaitsiko du

Arabako Foru Aldundiaren gastu propioa %16 jaitsiko da hurrengo urtean. Guztira, 437 milioi euro kudeatuko ditu zuzenean foru gobernuak, 2011n baino 87 milioi gehiago. Arabako sozietate publikoak aintzat hartuz gero, jaitsiera are handiagoa da, %22koa hain zuzen ere.

Gauzak horrela, Jose Zurita Arabako Ogasun diputatuak 2012ko aurrekontu proiektua  aurkeztu du, eta udako oporren ostean adierazi zuen moduan “gerra ekonomikoa” ezarri behar izan du.

Hiru ardatz

Hain zuzen, hiru arazori aurre egin behar izan dizkio PPk gidatutako foru gobernuak. Alde batetik, 2012an zerga bidez bildutako diru sarrerak %6 eroriko dira, eta horrek orain dela bost urte zituenen pare utziko ditu. Bestetik, bi auzi fiskalen ondorioei aurre egin beharko die datorren urtetik aurrera, Rover auziko epaiaren dirua itzuli behar dio Espainiako ogasunari, eta berreskuratu dituen opor fiskaletatik dagokion partea ordaindu behar dio Eusko Jaurlaritzari.

Legealdi batetik bestera AFAn aldatu ez diren sailetan jaitsiera aipagarriak eman dira; adibidez, nekazaritzan %46ko beherakada, herrilan publikoetan %35, eta euskara, kultura eta kirol arloan %29ko jaitsiera.

Zorraren hazkundea

Aurrekontu propioa orekatzeko asmoz, aurten baino zor gutxiago eskatzeko asmoa du foru gobernuak. Izan ere, aparteko zorpetzeari heldu beharko dio opor fiskaletatik Jaurlaritzari dagokion dirua ordaintzeko.

Faktura guztia, 54 milioi euro, estaltzeko adina zorra jaulkitzeko baimena eskatuko die Biltzar Nagusiei, baina 2012an dena ordaindu behar ez izateko akordioa dute bi administrazioek. Azken negoziazioen arabera, 18 milioi inguru heldu den urtean ordainduko lituzke.

Hortaz, Arabak 435 milioiko zor bizia du. Elkarte publikoak gehituta, 619 milioi euro dira; interesak ordaintzera 39 milioi bideratuko ditu aldundiak datorren urtean.

Gobernu zentralak etxeko langileen
soldataren araudia aldatu du

Gureak taldeak eta Gipuzkoako Merkataritza Ganberak MerkaOn sortu dute, kontsumitzaileen eta merkatarien kluba izango dena. Ekimen honi esker, gipuzkoarrek, erosketetan izango dituzten deskontuak ez ezik, hutsune sozial garrantzitsua ere beteko dute. Hau da, hogei lanpostu sortuko dira edozein urritasun mota duten biztanleei bideratuta, Gureak taldekoak, hain zuzen ere.

Talde horren baitan dauden enpresek (aurreikuspenen arabera, epe laburrean 4.000 izango dira) galdetegi berezia egingo dute, kontsumitzaileek bete beharko dutena, eta, horri esker, hainbat produktutan deskontuak izango dituzte.

Orain arte egin diren kontsumo familiarraren inguruko ikerketen arabera, erosleek, MerkaOn-en eskaintzen diren beherapenei esker, urtero mila euro aurreztuko dituzte.

Gipuzkoako Merkataritza Ganberaren laguntza

Iñaki Alkortak, Gureak taldeko presidenteak, baikor agertu du bere burua; “ekimen berria jaio da, eta, berari esker, ezaugarri zehatz batzuk dituzten pertsonei enplegua izaten lagunduko zaie, betiere, Ganberaren kolaborazioarekin”.

Horren harira, Gipuzkoako Merkataritza Ganberako Berrikuntza eta Ezagutza Saileko zuzendari Ana Ugaldek azaldu du, beraien laguntzari esker, “enpresa ertain eta txiki asko merkaOn egitasmoaren barne izango direla, IKTak lurraldean txertatzeko helburuarekin eta enplegu berriak sortzea xedea izanik”.

Online zerbitzua

Bestalde, Gipuzkoako Foru Aldundiko ordezkari Lore Martinez Axpek gaineratu du “merkaOn plataformak Gipuzkoa gozatzeko eta ezagutzeko” erramintak eskaintzen dituela; “lurralde historikoan negozioa sortzeko eta enpresa berriak irekitzeko aukera zabalduko du, eta merkaOn Gipuzkoako erakusleiho digital bihurtuko da, enpresa txikien presentziak garrantzia hartuko baitu Interneten”, esan du Martinez Axpek.

Hori dela eta, merkatariek eskura izango dute aukera digitala, online zerbitzua eskaintzeko (erosketak, aholkuak, eskaintzen iragarpena...) edo marketin multikanala txertatzeko.