Gizarte Gaietako sailburuorde Fernando Fantovak Eusko Jaurlaritzak familiaren inguruko arloan daukan asmoa eman du aditzera. Fantovak iragarri duenez, aldaketa berri hauen xedea sexuen arteko berdintasuna aldarrikatzea da, lan-utzialdia edo eszedentzia eta lanaldiaren murrizketa bultzatuz.
Helburuak eta oinarriak
Gurasoentzat gero eta zailagoa da lana eta familia banatzea edo biak uztartzea; horregatik, dekretu baten bitartez, Jaurlaritzak baldintzak hobetzea erabaki du. Arau horri esker, sexuen arteko desberdintasunak murriztuko lirateke eta eszedentzia edo lan murrizketen zenbatekoak berdindu egingo lirateke. Bestalde, Fantovak dio eskubide horien zabalkuntza inposatu egingo dela, familien egoera hobetzearen helburuarekin.
Aipatutako kanpainak 80.000 euroko aurrekontua izan du; gainera, kanpainaren plangintzan eta garapenean Jaurlaritzako zenbait sailek parte hartu dute, esaterako: Justizia; Hezkuntza, Unibertsitateak eta Ikerketa; Kultura; eta Lan eta Gizarte Gaiak.
Fantova sailburuordearen aburuz, umeen ongizatea bermatzeko modurik zuzenena euren eskubide eta betebeharrak ezagutaraztea izango litzateke. ÒKontuan izan behar dugu gaur egun garapen sozioekonomikoari datxekion fenomenoa, izan ere, seme-alabak izatea gero eta zailagoa da gure gizartean, konpromiso eta ukapen ugari eskaintzen baititu", adierazi du sailburuordeak.
Laguntza ekonomikoak
Fantovak adierazi zuen 2008. urtean zehar 27.000 laguntza-eskaera exijitu zirela adiskidetzarako. Aitzitik, 2009an, momentuz, eskaera horiek 36.000ra hazi dira. Horietariko 30.000 lanaldien murrizketan zentratu dira, eta gainerako 6.000 inguru eszedentziarako izan dira.
