EAEko enpresek 2.782 milioi euroko gastua izan zuten 2008. urtean, berrikuntza teknologikoari lotutako jardueretan. Aurreko urtean izandako emaitzekin alderatuz, %6,6ko igoera izan du sektoreak. Horretaz gainera, gastu hori BPGren %4,1 izan zen.
Nahiz eta berrikuntzako gastua urte batetik bestera gehitu, berrikuntza bultzatzen duen enpresa kopurua antzekoa izan da. Azken finean, ikerketa honetan 10 langile edo gehiagoko enpresak hartu dira kontuan; kasu honetan, produktua berritu zutenak %15,4 izan ziren, eta prozesua berritu zutenak, berriz, %28, Eustaten datuen arabera.
Jarduera nagusien artean, gastu gehien barruko I+G delakora bideratu da, %45,4, hain zuzen ere.
Iturria: Eustat
|
