Euskal Autonomia Erkidegoko esportazioak %30,2 nominal batez murriztu dira 2009ko hirugarren hiruhilekoan, Eustaten datuen arabera. Murrizketa horrekin, aurtengo lehenengo bederatzi hilabeteetako tasa metatuak %31ko jaitsiera izan du.
Guztizko inportazioen kasuan, epe berean %43,4ko beherakada izan dute. Inportazio ez-energetikoak soilik aintzat hartuz gero, horien bilakaera negatiboa izan da, hau da, %40,9ko jaitsiera izan du uztailetik irailera. Bestalde, merkataritza-saldo ez-energetikoak 1.227 milioiko superabita du, hots, joan den urteko hirugarren hiruhilekoaren antzekoa (garai hartan 1.236 milioi eurokoa zen).
Lurralde historikoei dagokienez, esportazio murrizketarik handiena Bizkaian jazo da, %32,8ko beherakada izan baita hirugarren hiruhilekoan.
Iturria: Eustat
|
