| 2009aren amaieran, Mahai Orokorraren ituna sinatu ostean, Eusko Jaurlaritzak akordio sektorialak sinatu zituen Administrazio Orokorreko langile funtzionario eta lan-kontratadunekin, Justiziako langileekin eta irakasle langileekin. Itunan jasotako konpromiso guztien betetze maila altua nabarmendu du Gobernuak, bai ordainketen hazkuntzari, Lan Eskaintza Publikoen (OPE) eskaintzei, zerbitzuen kanporatze politikari eta baimen berrien aplikazioari dagokionean ere.
Hala eta guztiz ere, krisiaren larritasuna dela eta, agertoki ekonomiko berri bat planteatu da, eta doiketa neurri garrantzitsuak abian jartzeko beharra ere bai.
Murrizketak soldatetan
Eusko Jaurlaritzak beregan hartzen du berea den erantzukizuna eta gastua murrizteko hainbat neurri planteatzen ditu soldata-masa %5ean murrizteko markatutako helburua betetzeko. Gauzak horrela, lansariaren jaitsiera oinarrizko soldata eta antzinakotasunaren gainean baino ez da aplikatuko.
Murrizketei begira, funtzionarioei jaitsiko zaien gutxienekoa %0,56ko soldata izango da, gehienezkoa, berriz, %2,86 izanik. Aldiz, goi karguen soldaten murrizketa proposamena bestelakoa izango da, hain zuzen ere: sailburuordeei %6ko murrizketa aplikatuko zaie (urteko adierazpenetan); sailburuei %7; eta azkenik, lehendakariari %8koa.
Soldaten gaineko murrizketa-neurri hauek 50 milioi euro inguruko aurreztea ekarriko dute.
Neurri osagarriak
Oro har, erretiroagatik hutsik geratutako 166 lanpostuen amortizazioa, edo, bestela, aurrekontuan sartutako beste zuzkidura bat. Aldiz, lan eta ordezkapenen metaketari dagokionez, urtean %10ean murriztu nahi da gastua, batik bat Administrazio Orokorrean. Halere, ordezkapen kopuruan ere murrizketak emango dira, Jaurlaritzak guztizko ordezkapenen gastua urtean %8an jaitsea proposatu baitu.
Lan kontratudun langileei dagokienez, hauetan ere oinarrizko ordainketetan %5eko murrizketa lineala finkatu du Errege Dekretuak.
|
