Azken eguneratzea: 2009ko Maiatza
BLOGAK
orrialdeak
< Aurrekoa 1/2 Hurrengoa >
Blogak sortu
 
2009ko Maiatzaren 27a

Egoera ekonomikoa hobetuz gero, dolarra ahuldu egin daiteke

Aurten egoera ekonomikoa izaten ari den ibilbidea ez da guztiz positiboa. Nahiz eta zenbait adituk esan duten aurten krisiaren amaiera ailegatuko dela, momentuz datuak ez dira pozgarriak. Kasu honetan, dolarraren egoeran zentratuko gara: aurten dolarra eta Burtsa izaten ari diren bilakaera alderantzizkoa da. Adituen aburuz, dolarraren ahultasuna luzatu egingo da; batez ere, egoera ekonomikoa hobetuz doan heinean, dolarraren balioa gehiago jaitsiko da.

dolar-euro

AEBetako monetaren inbertitzaileak pixkanaka aldentzen ari dira; dolarrak duela gutxi arte zuen babes itxura hori galdu egin du eta intentsitate edo indar horren galerarekin batera inbertitzaileak ere galtzen ditu. Dena den, aditu gehienek diote AEB krisitik ateratzen lehenengoa izango dela eta ekonomikoki Europa baino egoera hobean dagoela; dena dela, epe laburrerako egiten diren apustuetan euroak sendotasuna irabazi du.

“Euroa irabazle atera da AEBen kapital espekulatibotik irten ondoren. Horrez gain, aurreikuspen inflazionistak hazten diren heinean, euroa moneta indartsuenetarikoa bezala nabarmentzen da”, azaldu dute Bank of America Merrill Lynch-ekoek.

Hala eta guztiz ere, aditu askok kolokan ipintzen dute euroaren errekuperazioa ere; hazkunde hori datu ekonomikoak hobetzen jarraituz gero emango da soilik, eta 2009ko lehenengo hiruhilekoko emaitzak hazi egiten badira. “Euroaren emaitzak positiboak izaten ari dira, eta, horrela jarraituz gero, urteko maximoetara iritsiko da. Hori dela eta, gure ustez, udan zehar euroa 1,50 dolarrera ailegatu ahal izango da, edo, agian, zifra hori gainditu egin dezake”, diote Deutsche Bank-eko arduradunek. Izan ere, adituek ez dute uste euroaren bilakaerak bide erraza izango duenik.

Hirugarren moneta: yena

Inbertitzaileek bizkarra eman diote yen monetari, 2008ko abenduan gorengo marka lortu zuenetik, 87,2 yen dolar bakoitzeko, hain zuzen ere. “Joan den urtearen amaieran, inork ez zien jaramonik egin emaitza horiei, eta ez zuten kontuan hartu ahultasun hori, baina orain arazo larri bihurtu da”, gaineratu dute Deutsche Bank-ekoek.
 
2009ko Maiatzaren 23a

Euriborrak gutxiengo berri batekin ixten du maiatza

hipoteka

 

Maiatzako Euriborrak behin gehiagotan krisi honen alde positiboan bihurtu egin da. hori dela eta, ekainean hipoteka berrikusi behar duten guztiek 3.100 eta 6.300 euroen arteko deskontua izango dute.

2008ko maiatzean etxebizitza bat eskuratzeko hipotekaren prezioaren batez bestekoa 140,861 eurokoa zen; horrek suposatzen zuen hilabete bakoitzeko 822,97 euroko kuota edo 9.875 euro urtero. Urteko azterketaren arabera, mailegua 250 euro murrizten da hilabete bakoitzean eta 3.000 euro urtero, kontuan izanik joan den urtean Euriborra %4,994koa izan zela, hau da, urte honetako maiatzean baino 3,6 puntu gehiago; dena den, Euriborrak maiatzean gutxiengo historikoa markatu zuen.

 

Etxebizitzen eskuraketarako hipoteken batez besteko zenbatekoa estatuko autonomi erkidego batetik bestera aldatze da. Extremadurako 85.382 eurotatik Madrileko 185.146 eurotara.

Euriborraren supertzea

Badirudi Euriborrak bere joera murriztatzailea geldiarazi duela, azken aste eta hilabete hauetan bere portzentaia gero eta txikiagoa egiten ari zen, aurreko hilabetean zorua ukitu arte. Hori izan daiteke merkatuak hobekuntza txiki eta ahul bat izan duelako, hots, egoera ekonomikoa pixkanaka burua altxatuz doa, eta horrek Euriborraren emaitzetan eragina izaten du.

EAEko hipotekak

Euskal Autonomi Erkidegoko (EAE) egoerari bueltatuz, hemengo etxebizitza hipotekatuen kopurua jaitsi egin da. Joan den martxoan 1.833 hipoteka erregistratu ziren EAE osoan, 267,73 milioi euroko kapitalarekin. Horrek urte batetik besterako beherakada suposatzen du, %11,36ko jaitsiera hain zuzen ere, eta %14,03ko kapital hipotekatuaren kasuan, Estatistika Institutu Nazionalaren (INE) arabera.

Etxebizitzei dagokienez, guztira 1.833 hipoteka erregistratu ziren aurreko hilabetean, joan den urteko hileko 2.068 etxebizitzen aurre.

EAEn kutxak izan dira kapitalaren diru gehiago aurreratu duten instituzioak.
 
 
2009ko Maiatzaren 22a

General Motorsen egoera okertzen da

Hartzekodunen arbuioak General Motors (GM) enpresari ordainketa-etendurara darama. Egoera Chrysler enpresaren antzekoa da, eta zoritxarrez istorioa errepika daiteke. GM-ko hartzekodunek ez dute 27.200 milioi dolar ordaindu nahi (ia 20.000 milioi euro), diru horren truke konpainiaren %10aren partizipazioa izango zuketen, baina ez daude konforme eta ez dute diru kantitate hori ordaindu nahi. Horren ondorioz, Detroit-eko erraldoiak ordainketa-etendura gero eta hurbilago ikusten du, nahiz eta sindikatuekin aurretik hitzartutako akordioa itxaropena eman konpainiari. Baita ere, kontuan hartzekoa da GM-k 77 urteetan zehar munduko automobilen salmenten buru mantendu egin dela, joan den urtera arte, noiz Toyota enpresak aurre hartu zion GM-ri.

GM

Detroiteko enpresak AEBetako presidentea Barack Obamari plan eraginkor eta posible bat aurkezteko aukera izango du hurrengo astean; plan horren bidez GM-ek errentagarritasuna lortu behar izango du merkatu batean non urtero 10 milio ibilgailu saltzen dira. Beraz, lehiakortasuna oso inportantea izango da kasu honetan eta bere estrategia edo plan berri hori arras lehiakorra izan beharko da. Dena den, aurreikuspenak ez dira batere positiboak eta ziurrenik Chryslerren urratsak jarraituko dituela.

Abendutik honaino GM badarama 19.400 milioi euro xahutuak kostu operatiboak eta banatzaileei ordaintzeko. Gastu hauekin, argi geratzen da hemendik aurrera konpainiaren ardura Gobernuaren esku geratuko dela. Hala, hartzekodunekin izandako negoziaketaren porrotaren ostean, haientzat erreserbatutako %10 hori Washingtonen esku gera daiteke.

Ondorio latzak

General Motorsek ordaniketa-etendura hain hurbil izatea bere ondorioak izan ditu. Lehenengoetarikoa New Yorkeko Burtsan pairatutako beherakada izan da, %20ko jaitsiera hain zuzen ere. Horrez gain, ordainketa-etenduran sartzen bada Dow Jones utzi behar izango du, hau da, Wall Street-eko balio industrialen erreferentzia indizea utzi.

Bestalde, GM-ek eta Opel alemaniarrak zuten aliantza edo akordioa apurtu egin da eta egun Opelek beste konpainia baten esku geratzeko aukera izango du, hautagaien artean Fiat da posibilitate gehien dituen enpresak. Bruselasen irtenbide bat biltzen dute Opelen krisiari aurre egiteko, “ez da soilik Alemaniako arazoa, baizik eta Europa osokoa”, azaldu zuen Jose Manuel Durao Barrosok, Europar Batzordeko presidenteak.
 
2009ko Maiatzaren 19a

Greba orokorraren ondorioak

Greba

LAB eta ELA sindikatuak pasaden asteko grebako antolatzaile nagusiak izan ziren, baina greba orokor horretan beste sindikatu batzuk ere parte hartu zuten (Hiru, EHNE, ESK eta STEE-Eilas). Ekonomia egoera honi aurre egiteko mobilizazioaren bidea hartu zuten, baina grebaren emaitzak ez dira argi geratu. Dena den, sindikatu horien helburu bakarra ez zen krisia edo langabezia izan, Patxi Lopezek proposatutako eztabaida sozialaren aurka jotzea ere euren xedea zen.

Zifren borroka

Maiatzaren 21ean egindako greba orokorreko zifrei dagokienez, Confebask ugazaberiaren eta Eusko Jaurlaritzaren emaitzak edo iritziak bat egin dute, biek diote sindikatuen helburua porrot egin duela. Sektore pribatuko jarraipena %11 eta %12 artekoa izan zela ziurtatzen dute; hori bai, Gipuzkoan %15eko parte hartzearekin, Euskadiko lurralde hiistorikoen artean jendetsuena. Confebaskekoek diote sektore publikoan intzidentzia %15etik beherakoa izan zela.

Aldiz, deialdia antolatu eta mugiarazi zutenek adierazi dute grebak arrakasta izan zuela, batez ere, sektore industrialean. Haien ustez, ugazaberiak emandako datuak okerrak dira, eta “ez dute zerikusirik errealitatearekin, hainbat herrietan bildutako langileak baztertzen baitira”. Dena den, sindikatuak ez dira behar bezala antolatu, eta azkenean bakoitzak bere kabuz lan egin du eta ez dira elkartu indarrak batzeko. Ez dituzte erabili ezta kartel edo planfeto berberak ere.

LAB eta ELAren iritziak

“Botere ekonomiko eta politikoak batzen direnean erakunde demokratikoak atzean geratzen dira askotan, eta haiek badute eskubide osoa ere euren ideiak gizartean islatzeko edo pentsaera berriak proposatzeko”, adierazi du ELAko arduraduna Adolfo Muñozek. Bere ustez, grebari esker botere ekonomikoa eta gobernua politiken inguruan ados daudela egiaztatu da. Muñozek azaldu zuen, sindikatu antolatzaileen izenean, ez dituela sorpresarik espero Eusko Jaurlaritzaren partez, “sindikalismoa bakarrik geratu da, baina bakardade hori oportunitatean bihurtu behar dugu”.

Bestalde, Ainhoa Etxaidek, LABeko idazkari orokorrak, neurriz gaineko gutxiengo zerbitzuak salatu ditu. Hiru sindikatuak ere kritikatu du, zehazki, garraioen egoera tristea, haiek ez dutelako grebarako eskubiderik (beti gutxiengo zerbitzuak eskaini behar dituzte eta). Dena den, greba orokorraren emaitzekin pozik azaldu dira, batez ere autonomoak diren langileen artean.

“Greba honetatik ideia argiekin atera gara, hori oso positiboa izan da guretzat eta uste dugu Euskal Herriko sindikalismoan kapitulu berri bat ireki dela” esan du Etxaidek. LABeko idazkari orokorrak nabarmendu du euskal langileak izan behar direla krisiaren egoera eztabaidatu behar duten lehenengo pertsonak. “Grebaren emaitzei dagokionez, emandako datu eta zifrak manipulatuak izan dira eta haien inguruan hainbat gezurrak agertu dira”, gaineratu du Etxaidek.
 
 
2009ko Maiatzaren 18a

Estatuko BPGren jaitsiera historikoa

Estatuko Estatistika Institutu Nazionalak (INE) aste honetan argitaratutako datuek dezima bat gaizkitzen dituzte joan den maiatzaren 14an aurreratutako emaitzak, hau da, urte honetako lehen hiruhilekoan, Barne Produktu Gordina (BPG) %3 jaitsi da. 2009ko lehenengo hiruhilabeteko datuak plazaratu dituzten herrialde guztien BPGek behera egin dute. Horrez gain, INEk argi utzi du, Austria izan ezik, Europako ekonomia nagusi eta sendoenek Espainiak baino emaitza negatiboagoak izan dituztela.

Bestalde, kontsumoaren jaitsiera gero eta azkarragoa da. INEk azaldu duen bezala, BPGren beherakada, batez ere, pertsonen eta familien kontsumo eta inbertsioen jaitsieragatik izan da, bai horniduretan baita eraikuntzan ere.

BPG

Hori dela eta, urtarrilaren eta martxoaren artean, kontsumoari dagokionez, etxe edo familien amaierako gastuak hazkunde negatiboa izan du, %-4,1ekoa, hain zuzen ere. Gastu familiarraren adar edo osagai guztiek tasa negatiboak izan dituzte lehenengo hiruhilekoan, zerbitzu eta elikadura gastuak barne, bi hauek hazkunde positiboa izan baitute aurreko hiruhilabetera arte. Espainiako Estatuko etxeetan eman den gasturik negatiboena ondasun iraunkorrak izan dira.

Zehazki, hornigaien arteko inbertsioak, 2008ko azkeneko hiruhilekoarekin alderatuz, jaitsiera bikoiztu egin du ia, %-9,7 izatetik %-18,6ko jaitsiera izatera pasatu baita. Era berean, eraikuntza sektorean egindako inbertsioak ere atzera egin du lehenengo hiruhilabete honetan, %12,4ko tasa negatiboarekin. Desazelerazio honek etxebizitzaren sektorean izan du eraginik handiena (%-23,8ko jaitsiera, eta aurreko hiruhilekoan, aldiz, %19,6).

Langabeziaren inguruan

Langabeziari dagokionez, urteko lehenengo zatian jarduera-adar guztiek behera egin dute, aurreko hiruhilekoarekin alderatuz. Industria sektorearen balio erantsiak %10,2ko beherakada izan du. Energia sektorean, berriz, lehenengo aldiz, emaitza negatiboak egon dira, %-5,7ko tasarekin.

Orokorrean, 2009ko lehenengo hiruhilabeteko enpleguaren murrizketa %6koa izan da, joan den hiruhilekoan baino ia 3 puntu gutxiago, hau da, 1.147.000 enplegu deuseztatu ziren joan den urtean Estatu osoan. Aurtengo lehenengo hilabeteetan, lanpostu murrizketarik handiena izan duen sektorea eraikuntzarena izan da (%25,9), industria eta energia sektoreen aurretik (%10,4). Gainerako sektoreek ere murrizketak izan dituzte, baina tasak baxuagoak izan dira.

Jaitsierarik handienetakoa

BPGak izan duen beherakadarik nabarmenetarikoa Mexikon izan da, lehenengo hiruhilekoan %8,2ko jaitsiera izan baitu. 1995. urtetik ez da ikusten honelako daturik; dena den, kontuan izan behar dugu joan den urteko lehenengo hilabeteetan herrialde amerikarraren BPGa %2,6 igo zela.
 
2009ko Maiatzaren 15a

Gipuzkoako Foru Aldundiak lana emango die 333 langaberi

Krisi garaian eta langabezia tasaren datu latzak kontuan izanik, Gipuzkoako Diputatuen Kontseiluak lanpostuak sustatzeko plana onartu du. Lurralde historiko horretako hainbat enpresak enpleguak arautzeko espedienteak eskatu behar izan dituzte; hori dela eta, langile ugari lanposturik gabe geratu dira. Modu horretan, 333 langaberi lana bermatuko zaie sei hilabetez. Mila biztanle baino gehiagoko Gipuzkoako 55 herritako enpresetan izango dute lana. Hortaz, herri bakoitzeko langabe kopuruaren arabera sortu beharko dituzte lanpostuak, hots, proportzioan.

Gipuzkoako Aldundiak plana aurrera eramateko hiru milio euro inbertituko ditu. Helburua krisiaren ondorioak leuntzea eta lan-egoera hobetzea da. Egitasmoaren aurkezpenean Markel Olano Gipuzkoako ahaldun nagusia eta Jokin Bildarratz Euskadiko Udalen Elkarteko (Eudel) elkarteburua egon ziren. Planaren arabera, lanpostu berri bakoitzarentzat 9.000 euro bideratuko dituzte, hau da, 1.500 euro hilabete bakoitzeko.

Gipuzkoako Aldundiaren egoitza

Eredua beste lurraldeentzat

“Laguntza mota hau erosoa izateaz gain, egokia eta eraginkorra ere bada. Mota honetako plan gehiago sortu beharko lirateke”, azaldu zuen Olanok. Kontratazioak 2009ko irailaren 15a baino lehen hasiko dira, eta udal onuradunak zuzenean eramango dituzte aurrera. Halaber, kontuan hartzekoa da emandako laguntza hau beste diru-laguntza, sarrera edo laguntzekin bateragarria dela. “Proiektu argia, arrunta eta kudeaketa errazekoa da, gainera onuragarria izango da hiritarrentzat. Beste herrialde batzuek adibidetzat hartu beharko lukete neurri hau. Guztion artean garrantzitsua den zerbait egin dezakegu”, gaineratu du Bildarratzek.

Beraz, plan honen onurak aprobetxatuko dituzten Gipuzkoako langabeen herenak herri edo hiri hauetakoak izango dira: Donostia, Irun, Errenteria, Eibar, Arrasate eta Lasartekoak, hau da, mila langabe baino gehiago dituzten herrietakoak. Udal zerbitzuek enpleguak sortuko dituzte, gehienbat, kultura eta turismo alorretan, esaterako: parkeen mantenimendua, kirol ekintzak, gazte edo umeen inguruko proiektuak, liburutegiak eta abar.
 
 
2009ko Maiatzaren 12a

Mario Fernández BBK-ko presidente berria izango da

BBK aurrezki kutxako hurrengo presidentearen izena aditzera eman dute kutxako arduradunek. Xabier de Iralak joan den apirilaren 23an adierazi zuen bere kargua utziko zuela “osasun arrazoiak” direla-eta. Azkenean, Iralak Mario Fernández proposatu du bere kargua betetzeko, Bilbao Bizkaia Kutxako (BBK) presidente gisa.

Mario Fernándezen ibilbidea

Fernández Lan sailburua izan zen Eusko Jaurlaritzako lehenengo legealdian (1980-1984) -garai hartan Carlos Garaikoetxea zen lehendakaria-, baita lehendakariordea ere bigarren legealdian. EAJ banandu ondoren, EAra pasatu zen. Bestalde, Fernándezek Bilboko zinegotzi eta Bizkaiko batzarkide gisa ere egin du lan.

Mario Fernández Bilbon jaio zen 1943an, eta Zuzenbidean lizentziatua da Deustuko Unibertsitatean; gaur egun, 1966. urtetik, bertan lan egiten du Merkataritza Zuzenbideko irakasle gisa. Bestalde, 1997tik BBVA Taldeko Zuzendaritza Batzordeko kidea izan da.

Xabier Irala
 
Xabier de Irala, BBK-ko presidentea

Euskal kutxen bateraketa

Mario Fernándezen negoziaketa ahalmenak eta profesionaltasunak BBK-ko burura eraman dute. Hori dela eta, Iralak hasitako lanarekin jarraitzea izango da bere lehenengo helburua, hots, Euskadiko aurrezki kutxen batasuna lortzea. Irala denbora luzez saiatu da proiektu hori ixten, baina momentuz ez dio amaierarik eman; gainera, bere azkeneko saiakeraren porrotak pisu eta oihartzun handia izan du.

Beraz, datorren udan Mario Fernándezek Xabier de Iralaren errelebua hartuko du, bai kutxaren kudeaketan, baita BBK, Kutxa eta Vital kutxen batasunaren bultzadan ere. Gauzak horrela, Kutxa izeneko euskal kutxa handia jaioko litzateke. Era berean, iturri batzuk ziurtatzen dute Mario Fernándezen adinak (65 urte) ibilbide laburra aurreikusten duela; bere xedea euskal kutxen batasuna urte bat edo bitan gauzatzea, eta, ondoren, Kutxa berriaren buru beste pertsona bat jarriko litzateke.

Dena den, BBK-ko presidentearen aldaketa hau gauzatzeko eman beharreko lehenengo urratsa Fernándezen izendapena izango litzateke; horretarako, beharrezkoa da BBK-ko Batzar Orokorrak bere hautagaia onartzea.

Kutxak, momentuz, ez du adierazpenik egin Mario Fernándezen hautaketaren inguruan, baina Iralaren dimisioari buruz ere ez du ezer esan.
 
2009ko Maiatzaren 8a

Industriaren produkzioa berriro jaitsi da EAEn

Industriaren produkzioak jaitsiera nabarmena izan du martxoan Euskadin.
Nafarroan izan da beherakadarik handiena, %17,3koa, hain zuzen ere.
Industria produkzioa %15 baino gehiago jaitsi da joan den urteko martxotik
aurtengo martxora.

Urtarrila eta martxoa artean Estatuan konkurtsoan sartu ziren enpresen %72,2 (981 guztira) sozietate mugatuak ziren. Aldiz, horietariko 297 sozietate anonimoak izan dira. Azkenik, hartzekodunen konkurtsoan aurkeztutako 60 baino ez ziren aktibitate enpresariala zuten pertsona fisikoak; dena den, zifra hori 2008ko lehenengo hiruhilekokoa baino sei aldiz handiagoa da.

Espainiako Estatuko autonomia erkidegoen kasuan, Katalunia, Valentzia, Madril eta Andaluzia konkurtsoan aitorpen gehien izan dituzten lurraldeak izan dira; 2009ko lehenengo hiruhilabetean, lau erkidego horiek Estatuko konkurtsoen %59,2 pilatu dute. Katalunia ranking horren buruan dago, epe horretan 373 konkurtso aurkeztu baititu.

Kontrako aldean, hau da, ordainketa-etendura gutxien izan dtuzten Estatuko lurraldeak honako hauek izan ziren: Ceuta eta Melilla (soilik bost prozedurarekin), Kantabria (17), Errioxa (19 konkurtsorekin), Nafarroa (20) eta Extremadura (23 prozedurarekin).

Euskadiko egoera

Martxoan, 25 euskal enpresa hartzekodunen konkurtsoan aitortu ziren. Hilabete horretan zehar, Estatu osoan 374 konkurtso aurkeztu ziren, aurreko urtean baino %228 gehiago. Beraz, Estatu osoko datuak kontuan izanik, Euskadi autonomia erkidegoen bosgarren postuan egongo litzateke. Ranking horren buruan Katalunia dago 99 konkurtsorekin, eta atzetik, honakoak: Madril (80), Valentzia (45) eta Balearrak (29 prozedura, hots, 2008ko martxoan baino %625 gehiago).
 
 
2009ko Maiatzaren 6a

Langabeen kopurua igo egin da apirilean Euskadin
Euskadiko langabezia tasa igo egin da beste behin. 1.021 langabe gehitu dira apirilean, hau da, aurreko hilabetean baino %0,84 gehiago eta 2008ko apirilean baino %49,45 gehiago. Gipuzkoa izan da probintziarik sendoena, baina Araba eta Bizkaiko emaitzak negatiboak izan dira oso.
BLOG

Joan den apirilean Euskadin erregistratu diren langabeen kopurua igo egin da beste behin. 1.021 pertsona gehitu dira zerrenda triste horretara. Zifra horrek, 2008ko apirilarekin alderatuz, langabeen %49,45eko hazkundea erakusten du, eta %0,84koa, 2009ko martxoarekin konparatuta. Aurreko urteko hilabete bera ardatz moduan hartuz, 40.406 pertsona gehiago geratu dira langabezian.

Euskadiko lurralde historikoei dagokienez, datu positiboenak lortu dituen probintzia Gipuzkoa izan da, soilik 53 langabe gehiagorekin, hau da, martxoan baino %0,15 langabe gehiago. Adituek zifra positiboa dela diote, kontuan izan behar baititugu azkeneko hilabeteetan izandako datuak.

Aldiz, Bizkaia eta Arabaren kasuetan, datuak ez dira hain onak izan, 530 eta 430 langabe berri gehitu baitira zerrendetara, hurrenez hurren. Joan den hilean erregistratutako 1.021 langabeen artean, %50 aurretik enplegurik izan ez duten langabeak dira, hau da, lan-merkatuan lehenengo aldiz sartzen diren pertsonak.

Sektoreen arabera

Euskadin, apirilean zehar, langabezia tasa sektore guztietan igo da, salbuespenik gabe. Dena den, EAEn industriaren sektoreak jarraitzen du kaltetuena izaten. Datu hori kezkagarria da, industrian desegiten den enplegua berreskuratzea oso zaila delako; zerbitzuetan desegiten dena baino askoz neketsuagoa.

Bestalde, zehazki, gaur egun Euskadin 122.111 langabe daude erregistratuta. Horietariko 12.387k 25 urte baino gutxiago dituzte eta gainontzekoek adin hori gainditzen dute. Haien artean, 61.714 emakumeak dira eta 60.397 gizonak; kasu honetan, oso orekatuta daude.

Lan Erregulaziorako Espedienteak

UGT Euskadiko Prestakuntza eta Enpleguko ordezkariak, Felipe Garciak, apirileko datuen inguruan hitz egin du; bere ustez, emaitza horiek ez dira batere onak, “baina, gutxienez, azkeneko hilabeteetan gero eta negatiboagoak izaten ari ziren zifra horiek pixkanaka mantsotuz doaz”, adierazi zuen Garciak.

Horrez gain, Euskadiko hurrengo Gobernuari Lan Erregulaziorako Espedienteen (LEE) “etengabeko kontrola” izatea eskatu zion. Izan ere, azken bolada honetan, Euskadin LEEen hazkunde nabaria eman da. Adibidez, 2008an 496 espediente aurkeztu ziren, eta 2009ko lehenengo hiruhilekoan jada 543 LEE gehitu dira. “Joan den urtean, erregulazio horien ondorioz 12.000 langile kaltetu ziren, eta, aurten, orain arte, kopuru hori ia bikoiztu egin da, 21.000 langile baitira”, gaineratu du UGT Euskadiko ordezkariak.

Garciak, giroa lasaitzeko xedez, udan lan-kontratuen gorakadak izaten direla gogorarazi zuen bere hitzaldian.
 
2009ko Maiatzaren 2a

Kiebra egindako familia eta enpresek %266,6ko igoera izan dute

2009ko lehenengo hiruhilekoan, Espainiako estatuan porrot egin duten enpresa eta familien kopurua %266,6 igo da. Beraz, urtarriletik martxora, Estatu osoan hartzekodunen konkurtsora aurkeztu diren familia eta enpresak 1.558 izan dira, hots, joan den urteko hiruhileko berarekin alderatuz, %266,6 gehiago; aldiz, aurreko hiruhilekoarekin konparatuz, %44 gehiago.

Estatistika Intitutu Nazionalaren (EIN) arabera, guztira, urtarrila eta martxoa artean konkurtsoan sartu zen familien kopurua 200ekoa izan da, 2008ko lehenengo hiruhilekoan baino %203 gehiago eta aurreko hiruhilekoan baino %63,9 gehiago. Aldiz, konkurtsoan sartu ziren enpresak 1.358 izan dira; horrek %278,3ko hazkundea dakar, aurreko urtearekin alderatuz.

Kategoriaren arabera

Urteko lehenengo hiruhilekoan konkurtsoan sartu diren enpresen %35 eraikuntza eta higiezinen arlokoak izan dira, %23,9 industria eta energiarekin daude lotuta eta %17,8, berriz, merkataritzarekin. Era berean, porrot egin duten lau enpresatik hiruk aipatutako sektore horiekin zuten zerikusia.

Urtarrila eta martxoa artean Estatuan konkurtsoan sartu ziren enpresen %72,2 (981 guztira) sozietate mugatuak ziren. Aldiz, horietariko 297 sozietate anonimoak izan dira. Azkenik, hartzekodunen konkurtsoan aurkeztutako 60 baino ez ziren aktibitate enpresariala zuten pertsona fisikoak; dena den, zifra hori 2008ko lehenengo hiruhilekokoa baino sei aldiz handiagoa da.

 
rayo

Espainiako Estatuko autonomia erkidegoen kasuan, Katalunia, Valentzia, Madril eta Andaluzia konkurtsoan aitorpen gehien izan dituzten lurraldeak izan dira; 2009ko lehenengo hiruhilabetean, lau erkidego horiek Estatuko konkurtsoen %59,2 pilatu dute. Katalunia ranking horren buruan dago, epe horretan 373 konkurtso aurkeztu baititu. Kontrako aldean, hau da, ordainketa-etendura gutxien izan dtuzten Estatuko lurraldeak honako hauek izan ziren: Ceuta eta Melilla (soilik bost prozedurarekin), Kantabria (17), Errioxa (19 konkurtsorekin), Nafarroa (20) eta Extremadura (23 prozedurarekin).

Euskadiko egoera

Martxoan, 25 euskal enpresa hartzekodunen konkurtsoan aitortu ziren. Hilabete horretan zehar, Estatu osoan 374 konkurtso aurkeztu ziren, aurreko urtean baino %228 gehiago. Beraz, Estatu osoko datuak kontuan izanik, Euskadi autonomia erkidegoen bosgarren postuan egongo litzateke. Ranking horren buruan Katalunia dago 99 konkurtsorekin, eta atzetik, honakoak: Madril (80), Valentzia (45) eta Balearrak (29 prozedura, hots, 2008ko martxoan baino %625 gehiago).
 
 
 
orrialdeak
< Aurrekoa 1/2 Hurrengoa >

 

 Blogak sortu
 
BLOGEN TITULARRAK
 
 
logo
 
DFB GB-POL-LING KULTURA SAILAK
(KULTURA SAILA HIZKUNTZA
POLITIKARAKO SAIBURUORDETZA)
DIRUZ LAGUNDUTAKOA		 logo leizaola

 

HASIERA · ALBISTEGIA · ELKARRIZKETAK · ERREPORTAJEAK · I+G+i · TEKNOLOGIA · AISIALDIA · LAN ESKAINTZAK