San Mames Barria aurrera eramateko baldintzen artean bi nagusitu ziren; alde batetik, estadio berriaren titulartasuna publikoa ere bihurtzea, eta, bestetik, azpiegituraren erabilera publikoa ere izatea, hori bai, beti Athletic-en beharretara moldatuz. Dena dela, zelai berriaren azpiegitura oso handia izango da, eta beste gune edo areto batzuk izango ditu hainbat ekintza gauzatu ahal izateko.
Guk eskatzen duguna da gune horiek erabilera publikokoak izatea eta hiritar guztien interesa asetzea, azken finean beraiek baitira ordainduko dutenak.
Aurrekontuari edo diruari dagokionez, Eusko Jaurlaritzak urtero egingo dituen ekarpenak bere aukeraren araberakoak izango dira. Hori dela eta, 2010ean egingo den ekarpena urria izango da, euskal ekonomia momentu latza ari baita bizitzen.
Futbol taldearen borondatea, Jaurlaritzak ere konpartitzen duena, 2018an lanak amaitzea da.
|
