Gaur egun, krisi garaian murgilduta gaudela, zeintzuk dira RDT Ingenieros-en aurreikuspenak urte honetarako?
Egin ditugun iragarpenak onak dira; RDT prest dago krisiari aurre egiteko. Dena den, krisiak eragina izango du gure enpresan eta bezeroengan, jakina. Hala ere, RDT Ingenieros-en bi urte baino gehiago daramatzagu egoera honetarako prestatzen, zehazki, 3 ikuspuntu desberdinetan: ekonomikoki, sektore desberdinen dibertsifikazioan eta markaren onespenean.
Ikerkuntza eta garapenari dagokionez, ze garrantzi ematen diozue RDTn gai honi?
Gutxi gorabehera gure fakturazioaren %6 I+Gra bideratzen dugu. Bi ikerkuntza mota eramaten ditugu aurrera: batak ingeniaritzaren metodologiarekin dauka lotura; horri esker, eraginkor eta lehiakorragoak izan gaitezke. Bestea produktu berrien sorkuntzan edo ingeniaritzarekin zerikusia duten zerbitzuetan zentratzen da.
Eta gizartean, orokorrean, zein garrantzi du I+Gk?
RDT Ingenieros hiru gizarte desberdinetan banatzen den elkartea da: Euskadin, Katalunian eta Madrilen. Gizarte bakoitzak bere aurrekontua eta gidalerroa ditu I+Gren inguruan. Hau da, lurralde bakoitzeko zuzendari edo arduradunak bere ukitu pertsonala ematen dio enpresari, eta erabakietan guztiz askeak gara.
Esan duzun bezala, RDT Estatuko 3 lurralde desberdinetan hedatu da azken urte hauetan zehar; etorkizunari begira, pentsatuta duzue hedapen edo zabalkuntza honekin jarraitzea?
Adibidez, gaur egun 50 ingeniari baino gehiago ditugu Euskaditik kanpo lan egiten. Beste alde batetik, pasa den urtearen amaieran ÒRDT EngineersÓ marka komunitarioa erregistratzea lortu genuen. Marka horren xedea atzerrian proiektu berriak irekitzea da. Horregatik, zehazki, gure helburua 2009. urtea bukatu baino lehen 10 ingeniari atzerrira eramatea da, bertan nazioarteko proiektu berrietan parte hartzeko edo proiektu berriak lortzeko.
Enpresaren plantilla gaztea izateak abantaila handiak izango ditu; zer deritzozu?
Gure ingeniarien batezbesteko adina 30 urte ingurukoa da, hots, baditugu ingeniari oso gazteak 3 urteko esperientziarekin, eta, bestalde, badaude 10 urte baino gehiago daramaten ingeniariak ere. Abantailarik nabarmenena izan daiteke ez dutela aurrez pentsaturiko ideia edo iritzirik, eta, horrela, azkarrago hartu dezakete RDTren filosofia. RDTn bikaintasun edo gorentasunari ematen diogu lehentasuna. Hemen ez dago kontrolatzailerik; bakoitzak bere lana egiten du presio barik, eta langile edo ingeniari bakoitzak bere ardurak ditu eta bere proiektuen arduraduna da. Ez da beharrezkoa norbait gainean izatea, RDTn independenteak gara.
Ingeniaritzaren zein sektore lantzen dituzue gehienbat?
Batez ere aeronautikan, automozioan, energia berriztagarrietan eta talde ondasunetan zentratzen gara. Urte honi begira, RDT Ingerieros-en helburua sektore gehiagotara iristea da, hau da, negozioaren dibersifikazioa. Dena den, uste dut gure kokapena, sektore eta bezeroei dagokienez, ez dela batere txarra.
Krisiaren gaia berreskuratuz, eragina izan du zuengan edo zuen sektoreren bat kaltetua izan da krisi ekonomiko-finantzarioagatik?
Egia esanda, gehienbat automozioko proiektuetan nabaritu dugu krisi honen eragina. Arrazoia, batez ere, lantzen ditugun ibilgailuetan datza. RDTn ibilgailu berriekin lan egiten dugu, eta auto hauen ekoizpena gaur egun geldirik dago. Horregatik, automozioan beste sektoreetan baino galera gehiago izan ditugu. Dena den, zorionez, gure fakturazioaren alderdi hori gainontzeko sektoreen gorakadarekin orekatzen da, aeronautika edo energiarekin, esaterako.
Esango zeniguke, mesedez, zein neurri hartuko zenituzkete RDT Ingenieros-etik zenbait sektore kaltetzen ari den krisi hau gelditzeko?
Bizkaiko bulegoari dagokionez, lehenengo neurria izango litzateke gobernu sendo eta tinko baten sorrera. Ideia eta ekimen berriak sortu, batez ere I+Gn gehiago inbertitu, langi-leak trebatzeko ikastaroak antolatu, ekintzaileari proiektu berrietan lagundu eta diru-laguntza gehiago eman, langabeen kualifikazioa handitu ikastaro desberdinekin, e.a. Azken finean, helburua da enplegatu eta enpresek prestakuntza handiagoa izatea, horrela, krisitik irteteko garaian, prest egongo gara proiektu onenak eskuratzeko.
