Ze eragin izan du gaur egungo egoera ekonomiko-finantzarioak Norbolsaren gainean?
Norbolsa merkatuen aktibitate geldoarengatik kaltetua izan da, baina pozik gaude ateratako emaitzekin, 2008an gure negozioaren modeloa berretsi baitugu. Horrez gain, Bilboko Burtsan, rankingaren hirugarren postuan gaude, eta Euskadiko zor publikoaren segmentuan liderrak gara.
Bestalde, joan den urtean, 2006-2010eko plan estrategikoaren barruan, hainbat ekintza egin ditugu; horrekin batera, Norbolsa entitate liderra bihurtu da bezero instituzional eta partikularrei eskainitako balore gehigarriaren zerbitzugintzan.
Zure aburuz, zeintzuk dira Norbolsaren aurreikuspenak urte honetarako?
Egun, 30 instituzio finantzariok baino gehiagok egiten dute lan Norbolsarekin batera, eta, beraien iritziz, Norbolsak eskaintzen dituen zerbitzuen kalitatea ezin hobea da; beraz, gure ustez, gure jarrera zuzena da, krisiari aurre egin ahal izateko eta krisia bukatu bezain laster hazteko aukera izateko.
Esaterako, ekonomiari dagokionez, otsaila eta martxoa oso negatiboak izan dira, baina horiek daturik katastrofikoenak izango dira; beraz, hemendik aurrera datorrena ona edo positiboa izango da. Hori guztia merkatuen aktibitatearen hazkundean islatzen da; hori dela eta, posible da urtean zehar datuak gora egitea, baina zaila da aurreikuspenak egitea.
Adibidez, Kataluniako Ramón Llul Unibertsitateko katedradun baten arabera, 2012. urtera arte krisia ez da amaituko; iritzi horrekin ados al zaude?
Ezin dugu krisi bakar baten inguruan hitz egin, zenbait krisi baitaude: finantzarioa, ekonomikoa, eta abar, eta herrialde bakoitzean bizi den egoera desberdina da.
Bereziki, krisi finantzarioaren kasuan, egoera aurreratuago dago. Dena den, oraindik goiz da krisiaren amaierari buruz hitz egiteko; lehenengo eta behin, beharrezkoa da inbertsio-banku handiek eta aseguru-etxeek, besteak beste, euren balantzeetan galerarik ez dagoela egiaztatzea.
Halaber, kontuan izan behar dugu lehenengo AEBen susperraldia eman behar dela; bertan hasi zen krisia, eta amaiera ere AEBetan hasiko da.
IBEX35ak burtsan izandako beherakadaren ostean, nola erantzuten dio Norbolsak aldaketa honi?
2008ko jaitsieren ondoren (%40 ingurukoak), burtsek beherakada berriekin hasi zuten 2009a. Dena dela, azken aste hauetan galera horiek berreskuratzen ari dira, eta egungo indizeak eta 2008ko amaierakoak antzekoak izaten ari dira.
Gure helburua ez da epe laburrean errekuperazio azkarra izatea; denbora beharrezkoa da krisi batetik ateratzeko. Gainera, kontuan izan behar dugu, baita ere, Europako burtsa-balorazioak izandako emaitzak historikoki baxuenetarikoak izan direla (%25eko beherakada 2009an).
2008an ateratako irabaziak aurreko urtekoak baino %50 txikiagoak izan dira, baina gainontzeko konpainia edo enpresekin alderatuz, datua ez da hain negatiboa; ze balantze egiten duzue beherakada horri dagokionez?
Norbolsa indartua ateratzen da negozioaren ereduan eta merkatuaren posizionamenduan. Lehen esan dudan bezala, gure sektoreak asko sufritu du azken urte honetan; hainbat lehiakidek galera izugarriak izan dituzte. Horregatik, 2008an izandako emaitza positiboa dela uste dugu, galerarik izan ez dugulako. Norbolsa Estatuko burtsen arteko burtsa-konpainia errentagarrienetarikoa da, eta merkatuan sendotu egin gara.
Joan den urtean, teknologia berrien aldeko apustua egiten jarraituko zenutela ziurtatu zenuten; berrikuntza horrek jada bere fruituak eman ditu?
Bai, noski. Norbolsa broker berria garatu dugu Interneten, diseinu berria dauka eta funtzionaltasun berriak ere gehitu dira, haien artean: erabiltzaileek pertsonalizatu ahal duten Home-a (edo ataria), widget finantzarioa, RSS, Podcast, NAN elektronikoa, e.a.
Berrikuntza teknologikoari esker, zerbitzu berriak eskain ditzakegu, erabateko kustodia edo balore-mailegua, esaterako.
Horren ondorioa izan daiteke Norbolsako bezeroak egonkorrak eta leialak direla.
Aurten XX. urteurrena ospatzen duzue; zein da zuen balantzea Norbolsak izandako eboluzioaren inguruan?
Joan den hilabetean, maiatzaren 18an, urteurrena ospatu genuen Guggenheim Bilbao museoan, eta egindako balantzea positiboa dela ziurtatzen dugu. Hogei urtean zehar arrakasta handia izan dugu, eta faktore hauek esandakoa baieztatzen dute: Espainiako Estatuko burtsa-konpainiarik errentagarrienetarikoena da; bertan lan egiten duten profesionalak eraginkorrak dira eta horren froga zerbitzuen bikaintasun eta gorentasunean islatzen da; berrikuntza teknologikoaren aldeko apustu garbia egin dugu eta xede horrekin aurrera jarraituko dugu; eta hainbat instituzio finantzariorekin lan egiten dugu.
