Zeintzuk izango dira AlhóndigaBilbaoko zerbitzurik esanguratsuenak?

Nire ikuspuntutik, zentroaren ezaugarririk esanguratsuena zerbitzu guztien integrazioa da: mediateka, zinema, igerilekuak... hori guztia ekipamendu bakarrean izatea nabarmenena dela esango nuke. Gainera, AlhóndigaBilbaoren ordutegia ezin hobea da, goizeko 7etatik gaueko 11etara arte egongo baita irekita, asteko zazpi egunetan. Hortaz, tokiaren multifuntzionaltasunak berezi egiten du AlhóndigaBilbao.

Eraikinaren azpiegiturei eta arkitekturari dagokienez, zertan desberdintzen da hirian dauden gainerako proiektuekin?

1999. urtean, zentroa kultur ondasun izendatu zen, monumentuaren kategoria gisa; horrek pisu handia du eta gehien desberdintzen duena dela esango nuke.

AlhóndigaBilbaoren helburuen artean, Bilbao erreferente bihurtzea dago. Era berean, egingo diren ekintzetan, zeintzuk izango dira gai nagusiak?

Eraikin honek erabiltzaile guztien nahiak asetzea eta komunikazioa sustatzea bilatzen du. Bestalde, AlhóndigaBilbaoren helburua hirian jada existitzen den eskaintza osatzea ere bada. Ildo berari jarraituz, gai kulturalak askotarikoak izango dira: osasuna, zientzia eta teknologia, literatura, ongizatea, etab. Hau da, oro har, ekintza pedagogikoak, edozein adinetarako.

Noizko egongo da zentroaren %100 ekipatuta?

2010eko amaierarako, azaleraren %96 prest egongo da. Guztia, 2.200 metro koadro izan ezik; izan ere, gune hori Euskal Herriko Arte Eszenikoetako Goi Mailako Zentrorako bideratuta dago.

Antzinako Alondegiaren xehetasun edo zeinuren bat mantenduko edo berreskuratuko da?

Zentroaren fatxada mantendu egin da, eta eraikinaren 9.000 metro koadro antzinako Alondegiari dagozkio. Horretaz gainera, eraikinaren aurrealdea ez ezik, xehetasun ugari ere errespetatu edo mantendu dira.

Dirudienez, azken 30 urteetan zehar hainbat ideia desberdin proposatu dira Alondegia eraldatzeko; zergatik uste duzu erabaki dela proiektu hau gauzatzea?

Nire ustez, ez dago arrazoi bakarra, asko baizik; horien artean, aisialdiaren eta kulturaren kontzeptuak proiektuaren ardatzak direla. Alkateak nahiz udalak bat egin dute proiektuarekin abagune ekonomiko desberdinetan.

Auzokideak izan dira kaltetuenak obrak direla-eta. Dena den, lehenengoak izan dira zentroa bisitatzen; nola erantzun dute?

Auzokideen erantzuna oso positiboa izan da; behinik behin, hori entzun nuen inaugurazioan. Nire jarrera baikorra da, beraien erantzuna ere baikorra izan delako, eta beraien jarreretan antzematen da merezi izan duela azken urte hauetako menpetasunak jasatea: aparkalekuko obrak, eraikinaren eraikuntza, zentroaren urbanizazioa, etab.