Gauzak
horrela, Estatuko enpresen erakundeek (CEOE
buru) behin baino gehiagotan errepikatu
dute kaleratzea garestiegia dela Europako
mendebaldeko batez bestekoarekin alderatuz,
Euskadiko kaleratzearen kostuak Europako
batez bestekoak baino altuagoak baitira.
Hau da, Euskadiko langile batek 56 asteko
soldata eskuratzen du, eta Europar Batasunean
(EB-15), berriz, 27 asteko soldata lortzen
du, Munduko Bankuaren datuen arabera.
EBko
kaleratzearen kostua
Halere, Alemaniako
kasuan, kaleratzeengatik ematen diren kalte-ordainak
Euskadikoak baino askoz ere altuagoak dira,
Europar Batasuneko kaleratze kosturik garestienak
baititu, 69 asteko soldata, hain zuzen ere.
Alabaina, Europako merkatuen artean, Alemaniakoa
da aurreratuenetarikoa, eta bere joera ekonomikoa
ere onenetarikoa da. Adibidez, langabezia
tasari dagokionez, Espainiako tasak Alemaniakoa
bikoizten du.
Aldiz, Euskadiko
emaitzen kasuan, kontuan izan behar dugu
batez besteko soldata gordina 25.488 eurokoa
(urtean) dela, Estatistika Institutu Nazionalaren
(EIN) arabera. Zifra hori, EB-15ekoarekin
alderatuz, nahiko baxua dela esan dezakegu;
izan ere, duela bi urte inguru, Europar
Batasuneko batez bestekoak 34.412 eurokoak
ziren eta. Ildo berari jarraituz, EAEn langile
bat kaleratzeak 27.448 euroko kostua duen
bitartean, Alemaniako kostuak 55.320 eurokoak
dira. Horretaz gain, EBko kaleratzearen
kostua 17.867 eurokoa da.
Estatuko
enpresen egoera
Estatuko kaleratzeek
gora egin dute azken urtean, eta kaleratze
horietako asko kontratu mugagabeak ziren.
Hori dela eta, ugazaben erakunde batzuek,
tartean Espainiako Enpresa Ertain eta Txikietako
konfederazioak, kaleratzearen kostuak jaisteko
eskatzen dute, langileak kanporatzea garestiegia
delako.
Horren harira, ELA sindikatuak nahiz Madrilgo
Gobernuak azpimarratu dute aldi baterako
kontratuen kopurua hazi egin dela; izan
ere, enpresariak, askotan, kontratu mota
honetara mugatzen dira. Esate baterako,
joan den urtean, hilabete bat baino gutxiagoko
kontratuak 4,7 milioi izan ziren guztira
Estatu osoan; zehazki, horietako 2,7 milioi,
aste bat baino gutxiagorako izan ziren.
2009ko
emaitza ezkorrak
Lehen esan dugun
bezala, joan den urtea oso latza izan zen
langabeziari dagokionez; Euskadin, adibidez,
26.000 langileri 'expres kaleratzea' deiturikoa
aplikatu zitzaien. Beste alde batetik, kanporatze
bakoitzagatik eman zen kalte-ordaina 43.812
eurokoa izan zen, batez beste; gainera,
4.323 langilek auzitara eraman zituzten
euren kasuak.
Gauzak horrela,
2009. urtean, 35.000 euskal langile ingururen
kontratu finkoak eten ziren. Hori Euskadiko
markarik altuena da; gainera, lan-eten horietako
9.000 Enpleguen Erregulazio Espedienteen
(EEE) bidez izan dira. Beraz, dirudienez,
enpresek, aldi baterako kontratuak moztu
ostean, kontratu finkoak hartu dituzte helburu
gisa.
|
