Estatu espainiarrak energia berriztagarrien inguruko Plan Nazionala (PANER) aurkeztu du Europako Batzordean. Txostenaren helburuetako bat energia berriztagarrien erabilera handitzea da; horretarako, Gobernu zentralak 2020. urterako energia guztiaren %22,7 jatorri berriztagarrikoa izatea espero du, hau da, egungo emaitzak bikoiztu nahi dira. Horren harira, Red Eléctrica taldeak datu esanguratsua jarri du mahai gainean, 2010. urtearen lehenengo seihilekoan sortutako elektrizitate guztiaren %40k jatorri berriztagarria izatea, hain zuzen ere. Aitzitik, eolikoari dagokionez, %18aren ekarpena egin du soilik.

Berriztagarrien ibilbidea

Horrez gain, energia mota honek sortutako egitura teknologiko eta industriala lehenengo mailakoa izan da, eta esportazio edo proiekzio izugarria izan duela erakutsi du azken urteetan.

Espainian orain arte jasandako menpekotasun energetikoa nabaria izan da; horregatik, energia berriztagarriak bide egokia izan daitezke menpekotasun hori murrizteko. Dena dela, oinarrizkoak dira, era berean, aldaketa klimatikoaren aurkako borrokari indarrez aurre egiteko.

Gobernuak egindako estrategia eta planifikazio txostenari begira, parke mugikorrei dagokienez, xedea da %10era iristea, hots, 2020an 2,5 milioi ibilgailu inguru eskuratzea espero dute.

Hortaz, elektrifikazioak gauez sorrarazitako energia eolikoaren gehiegikeria era egoki eta eraginkorrean aprobetxatu ahal izango du, beste faktore edo abantaila batzuen artean.

Energiaren gorabeherak

Exekutiboak aurkeztutako programan hainbat aurreikuspen egiten dira; bertan zehazten da 2020an ezarrita egongo den potentziak hazkunde nabaria izango duela, %25eko gorakada hain zuzen ere, egungo datuen aldean. Horrek esan nahi du 126.072 megavatiora (MW) ailegatuko dela, eta horietariko erdiak berriztagarriak izango direla iragarri dute. Horretaz gainera, emaitza osoaren 35.000 MW energia eolikoari dagozkio,16.662 MW hidroelektrikoari, 6.735 eguzki-fotovoltaikoari, eta, azkenik, 3.807 MW termosolarekin izango du harremana.
Energia nuklearrari dagokionez, berriz, bere indarrak %5eko igoera izango du; beraz, 2020an 55.600 MWra iritsiko da.

Era berean, txostenak aurreikusi du hamar urte barru elektrizitatearen eskaerak 313.052 gigavatio orduko (GWh) lortuko duela, hau da, 2009an baino %28,3 gehiago. Bitartean, ekoizpen gordina %32,6 igoko da Gobernuaren iragarpenen arabera, eta horietariko %35,5 berriztagarriak izango dira.

Prezioak eta kostuak

Gobernu zentralak aurkeztutako aurreikuspenek diote gasaren prezioak %35 egingo duela gora, hots, joan den urteko 17 euro MWh-tik, 2020an 23 eurora pasako gara, Exekutiboaren arabera. Gauza bera gerta liteke CO2aren prezioaren igoerarekin, baina, kasu honetan, hazkundea nabariagoa izango da, txostenaren arabera, %85eko gorakada hain zuzen ere. Beraz, tona bakoitzeko 13,5 eurotik 25 eurora pasako ginateke 2020. urterako.