Krisialdiarekin batera, inbertitzeko joera aldatu egin da, eta burtsa kontuetan adituak eta profesionalak direnak sektore edo talde zehatzetan inbertitzea aholkatzen dute. Hortaz, adituek gomendatutako alderdi batzuk zerrendatu ditugu: urrean inbertitzeko garai aproposa da, elkarrekiko funtsetan dirua sartzeko, negozio berria sortzeko eta dibisak erosteko.
Krisialdiarekin batera, inbertitzeko joera aldatu egin da, eta burtsa kontuetan adituak eta profesionalak direnak sektore edo talde zehatzetan inbertitzea aholkatzen dute. Hortaz, adituek gomendatutako alderdi batzuk zerrendatu ditugu: urrean inbertitzeko garai aproposa da, elkarrekiko funtsetan dirua sartzeko, negozio berria sortzeko eta dibisak erosteko. |
Urrea
Aurten gora egin duen mineralaren inbertsioa urrea izan da, eta, dirudienez, joera horrek datorren urtean ere jarraituko du. Aditu askok diote epe ertain edo luzerako inbertsioa izan beharko litzatekeela.
Honen abantaila nagusia da ez dela beharrezkoa finantza-ezagutza handia izatea, inbertsio erraza baita. Gainera, urrea ez da erraz debaluatuko, eta, horregatik, inbertsio ziurra dela esan daiteke. Bere balioa ez dago gobernuen erabakien menpe, eta, normalean, urteak pasatzen diren heinean balioak gora egiten du, gero eta eskaera handiagoa dagoelako, eta, era erean, eskaintza gero eta baxuagoa delako.
Dena dela, desabantailei begira, balioaren ezegonkortasuna nagusitzen da; horretaz gainera, mineralaren mantenimendua eta artapena ez da prozesu erraza eta lana eskatzen du.
Elkarrekiko funtsak
Mota honetako funtsetan irabaziak lortzeko, inbertitzaileak bere partaidetzak erositako prezioa baino altuagoan saldu behar ditu.
Honelako inbertsioak egiteko ez da beharrezkoa finantzen inguruan gehiegi jakitea, inbertsio erraza baita. Horretaz gainera, Internet bidez ere egin daiteke inbertsioa, hau da, prozesua bat-batekoa izan daiteke. Azkenik, elkarrekiko funtsetan parte hartzeko ez da derrigorrezkoa kapital handia izatea, eta funtsak kontrolpean daude, gobernuko entitateek ikuskatzen baitituzte.
Izan ere, oztopoei dagokienez, esan beharra dago ez dela metodo errentagarrienetakoa, beste aukera batzuekin diru gehiago irabazi daitekeelako; gainera, inbertsioak egiteko eta jarraitzeko orduan kontrol gutxi dago inbertitzailearen esku.
Negozioak
Negozio bat sortzea ez da batere erraza, ezta azkarra ere; horregatik desabantaila ugari dituela esan genezake, baina, kasu honetan, irabaziak ere oparoak izan daitezke. Negozio bat izateko, ez da beharrezkoa hasieratik sortzea, izan ere, frankizia eskuratu dezakegu edo martxan jarrita dagoen beste negozio bat erosi.
Negozio propioa abiaraztea aukera erakargarria da, gure diruaren eta administrazioaren jabe izateko, eta nahi dugun erara moldatzeko.
Dena dela, alderdi negatiboak egon badaude, adibidez, kapital dexente izan behar dugu, eta, era berean, komenigarria da enpresen munduko ezagutza menperatzea. Enpresa berria abiarazteko ezinbestekoa da prestakuntza.
|
