|
Duela
lau urte egindako aurreikuspenak bete egin dira;
hori adierazi du Eustatek, hots, Zientzia, Teknologia
eta Berrikuntza 2006-2010 Planak aurten 0,5eko
indizea gaindituko zela iragarri zuen, eta, Eustaten
arabera, EAEn helburua lortu egin da; beraz, EBko
lehenengo hamar herrialdeekin parekatuta dagoela
esan genezake.
Hala eta guztiz ere, Uriarteren aburuz, gainerako
Estatuekin alderatzea “arraroa da”.
Gure herrialdea txikia da eta garapen maila ez
da oso altua; horregatik, Uriartek dio ez dela
komenigarria beste herriekin alderatzea; “Finlandiako
Nokiarekin edo Alemaniako ibilgailuen industriarekin
alderatzea gustatuko litzaidake, baina errealistak
eta serioak izan behar gara”, azpimarratu
du. Horretaz gainera, Uriarteren ikuspuntutik,
Europaren egoera okertu egin da krisialdiarekin
batera; hori dela eta, bere ustez AEBekin edo
Txinarekin alderatzea zuzenagoa izan liteke.
|
2009ko
balantzea
Eusko Jaurlaritzako
Industria eta Energiako sailburuorde Xabier Garmendia
eta Gizarte Sustapenerako eta Industria Birmoldaketako
zuzendari nagusi Tomas Orbea pozik azaldu ziren
joan den urteko berrikuntza eta enpresa berrien
emaitzekin; “osasun sektorearekin, IKTekin
eta 2009an sortutako biozientziekin lotura duten
102 enpresa sortu ziren, eta, horiei esker, datozen
hiru urteetan 1.400 lanpostu berri baino gehiago
sortuko dira eta 110 milioi euro inguruko inbertsioa
egingo da”.
Alderdi popularrak arlo honetan beste neurri batzuk
hartzea eta proposatzea erabaki du, enpresen sorkuntza
bultzatzeko xedearekin; izan ere, beraien aburuz,
“Gobernuak ez du ezer berririk egin”.
Dena dela, Jaurlaritza ez dago batere ados popularrek
esandakoarekin, eta argi utzi du 11,6 milioi euro
ekintzaileen politiketara bideratu zirela, eta
kopuru hori murriztu egin dela 2010ean, hain zuzen
ere, 10,7 milioi euro bideratuko baitira.
Ildo berean, 2009an 1.287 proiekturi eman zitzaien
arreta eta orientazioa, 359 bideragarritasun-plan
egin ziren eta 142 enpresa sortu ziren Enpresa
Leihatilaren bitartez. Leihatila honen helburua
da zerbitzuak erabiltzen dituen ekintzaile edo
enpresa mota nagusia enpresari indibidualen eta
sozietate zibilaren edo sozietate mugatuen ideiak
edo ekimenak sustatzea.
Emaitzak,
estatu mailan
EAE negozio
eskolak ikerketa bat egin du, non Espainiako lurralderik
berritzaileenak agertzen diren; negozio eskola
horrek gauzatutako rankingaren arabera, Nafarroa,
Euskadi, Errioxa eta Katalunia agertzen dira zerrendaren
gailurrean; aitzitik, Balearrak, Kanariar Uharteak,
Zeuta eta Melilla behealdean daude. Azterketan
ikertu diren faktoreak hurrengoak izan dira: intentsitate
berritzailea, 1.000 biztanle bakoitzeko enpresa
kopurua, eta 2000 eta 2008. urteen artean izandako
inbertsio hazkundea. Hortaz, lehenengo faktore
edo adierazleari dagokionez, puntuaziorik onena
atera duten lurraldeak Euskadi (%1,5), Gaztela
eta Leon (%1,3) eta Nafarroa (%1,3) izan dira.
Ikerketaren ondorioen artean, ikus dezakegu jarduera
ekonomiko eta industrial handiagoa duten herrialdeetan
kokatzen diren enpresak Estatuko batez bestekoaren
pare daudela. |
