Ekonomiaren KZren webgunea

Azken eguneratzea: 2011ko uztaila

ERREPORTAJEA

Eusko Jaurlaritzako Biodibertsitate
eta Ingurugiro Partehartzearen zuzendaria

Krisialdiarekin batera, hainbat erreforma eta neurri berri ezarri dira, baina lehendik zeuden beste batzuk ere aldatu egin dira. Eusko Jaurlaritzak erabaki berriak hartu ditu azken asteetan, eta egingo diren ebazpenak jakinarazi ditu Carlos Aguirre Ekonomia sailburuak, batez ere datorren urteko aurrekontuekin lotura dutenak
Datorren urteko aurrekontuek lehenetsiko dituzten politikak “enplegua sortzeko gai” den ekonomia produktiboagoaren oinarriak jartzen laguntzen dutenak eta elkartasuna indartzen dutenak izango dira, krisiak gehien kolpatu dituen herritarrei lagundu ahal izateko. Jaurlaritzak ezarritako jarraibideen artean, azpimarratzekoa da pertsonalaren alorreko gastuei dagokiena. Hortaz, plantilla hau “izoztuta” geratuko da eta ez da inola ere igoko. Gainera, 2012rako konprometitutako kredituei aurre egiteko beharrezkoak diren zenbatekoak bideratuko dira, baina “murriztu egingo dira inbertsioekin zerikusia duten konpromiso berriak”. Carlos Aguirrek, Ekonomia sailburuak, 2012ko aurrekontuaren inguruko agerraldia egin du, non azaldu baitu zeintzuk diren Eusko Jaurlaritzaren datorren urteko aurrekontuen ildo nagusiak.
Inbertsio publikoa Beharrezkoa da inbertsio publikora doan gastua arrazionalizatzea, eta, hortaz, konpromiso berriak murriztu egingo dira; dena dela, 2012rako konprometitutako kredituei aurre egiteko beharrezkoak diren zenbatekoak bideratuko dira. Pertsonalari dagokionez, Administrazio Orokorraren, Erakunde Autonomoen eta Euskal Autonomia Erkidegoko Sektore Publikoaren gainerako Erakundeen ordainsariak ezin izango dira igo Estatuaren Aurrekontu Orokorren Legean ezarritako zenbatekoa baino gehiago. Aurrekontu-plantilla ez da igoko 2011ko abenduaren 31n guztira zegoen plaza kopurutik. Aurrekontuaren gastua Euskal Autonomia Erkidegoko 2012ko aurrekontuetan gehienezko gastua %2 murriztuko da, funtzionamendurako gastuak %5 jaitsiko dira eta zorra 1.190 milioi euro ingurukoa izango da, Carlos Aguirre Ekonomia sailburuak iragarri duenez. Eusko Jaurlaritzaren Gobernu bilerak datorren urteko aurrekontuen zirriborroa onartu du. Lege-proiektua urrirako zehaztuta egongo dela adierazi du Aguirrek. 2012an oreka ekonomikoa mantentzeko, defizita Barne Produktu Gordinaren %1,3koa izan daiteke, eta horrek datorren urtean gehienezko gastua 9.964 milioi eurokoa izatea ekarriko du, aurten baino % 2 gutxiago. Zorrari dagokionez, 1.190 milioi euro ingurukoa izango dela iragarri du Aguirrek.

Euskadiko Turismoa eta Berrikuntza Plan berria

Jaurlaritzak ezagutzera eman dituen aurrekontu eta Planen artean, aurkeztu duen beste bat Euskadiko turismoarekin lotura duena da, Berrikuntza Planarekin ere lotura duen egitasmoa, alegia.

Pilar Zorrillak, Merkataritza eta Turismoko sailburuordeak, iragarri du aurkeztutako dokumentuan 25,6 milioi euroko aurrekontua dagoela jasota, lau urteko aldietarako.

30 jardun-ildo eta 111 ekimen biltzen ditu guztira, eta herri administrazioen nahiz Euskadiko turismoarekin lotutako sektore pribatuaren parte-hartze zabala izan du.

Plana lantzeko, sektoreko ehunka eragilek parte hartu dute, eta asmoa da 2013an atzerriko 800.000 turista baino gehiago izatea eta turismo-kalitateko Q zigilua duten 300 establezimenduak gainditzea.

BPGren eragina turismoan

Turismoak autonomia-erkidegoko BPGaren %5,3 osatzen du, urtean 3.600 milioi euroko inpaktua du euskal ekonomian eta 92.963 lagun enplegatzen ditu.

Planak helburu zehatz batzuk finkatu ditu. Besteak beste, 2013. urterako 96.258 enplegura iritsi nahi du. Era berean, atzerriko turistentzako erakargarritasuna handitu nahi da, urteko 700.000 turisten kopurua gainditu eta planaren indarraldiaren amaieran 800.000ra iristeko.

Planak proposatzen dituen ekimenetako bat Euskal Turismoaren Behatokia sortzea da. Zerbitzu berri hori aurten jarriko da martxan. Helburua da euskal turismoarekin lotutako datuetara hobeto iristeko aukera izatea, besteak beste.

Itzuli













Añade las cotizaciones a tu página web© Ecoprensa S.A.

		KULTURA SAILAK (KULTURA SAILA HIZKUNTZA POLITIKARAKO SAIBURUORDETZA) DIRUZ LAGUNDUTAKOA

HASIERA · ALBISTEGIA · ELKARRIZKETAK · ERREPORTAJEAK · I+G+i · TEKNOLOGIA · AISIALDIA · LAN ESKAINTZAK