Digipen erakundeak Bilbon egingo du hurrengo zentroa

Lehen esan dugun moduan, helburua egungo iraultza teknologikoaren protagonistaren garrantzia nabarmentzea da, eta bideo-jokoen sektoreari espazio bat eskaintzea, hazi ahal izateko.

Euskadirentzat oso positiboa da sektore honen garapena eta proiektua bertan sustatzea. Horrek baliabide berriak ekarriko ditu, batez ere Bilbora. Irudi, informazio, komunikazio eta I+G+b teknologiek eskaintzen dituzten arloetan sartzeko aukera zabalagoa izango dute.

Europan lehenak

Bilboko proiektua Europan gauzatzen den lehena da (DigiPenen esku), eta konpainiaren arduradunek momentuz ez dute irekiera gehiagorik aurreikusten Europan. DigiPenek AEBetan du egoitza, baina Singapur, Korea eta Libanon ere baditu zenbait eraikin.

DigiPen erakundeak Bilbao aukeratu du, bertako biztanleek Òkontatzeko zerbaitÓ dutelako eta hiriko klima dela-eta.

Bilboko Merkataritza Ganberako presidenteak gogorarazi zuen joan den urtean 1.600 milioi euro baino gehiagoko salmentak lortu zirela Estatu osoan. Hau da, 2007an baino %10 gehiago.

SPRIk, Euskadiko Teknologia Parkeen Sareak eta hiru Foru Aldundiek sustatutako ekimena da Basque Soft Landing. Bere helburu nagusia balio erantsi handiko sektoreetan Euskadira atzerriko inbertsioa erakartzea da, hau da, balio erantsi handiko enpresak ezartzea. Ekimenaren lehentasunezko sektoreak biozientziak, nanoteknologiak eta energia alternatiboak dira.

Proiektua Bizkaiko Teknologia Elkartegian aurkeztu da, non zerbitzua eta bere edukiak deskribatu baitira. Erresuma Batuan antzeko zerbitzua dute; hori dela eta, Bilbon dagoen Erresuma Batuko Kontsulatuak bere esperientzia eta jakintza eskaini ditu.

Basque Soft Landing ekimenari esker, lehen eskutik ezagutuko dira ingurune sozio-ekonomikoa eta azpiegitura teknologikoa. Lehen fasean, Euskadira gerturatuko da eta banakako bisitak egingo dira proiektu bakoitzarentzat. Gerora, atzerriko enpresak Euskadin ezartzea erabakitzekotan, proiektuak erakundearen laguntza osoa jasoko du, esaterako: sozietateak sortzeko informazio fiskala eta legala, teknologia berrien, enpresen eta ikerketaren esparrura loturiko harremanen euskal sarera sartzeko aukera, eta abar.

Vacunek enpresak kit bat garatu du gripearen
birusa hautemateko

Hegazti gripearen garaian, Vacunek enpresak ere gripe horri aurre egiten zion kita atera zuen. Egungoari, aldiz, hasiera batean txerri gripea deitu zitzaion Mexikon; eta, denbora pasa ahala, gaixotasun horren gaineko kasuak hedatu egin dira, AEB, Kanada eta Espainian, batik bat. Osasunaren Munduko Erakundeak (OME) pandemia gisa sailkatu du gripearen birus berriaren infekzioa.