"Elektrolinerak", gero eta gertuago dagoen ametsa

Proiektuaren nondik norakoak

Orain arte debekatuta egon da mota honetako gasolindegiak erabiltzea edo eraikitzea, baina, dekretu honi esker, debekua bertan behera gera daiteke. Ibilgailu elektrikoak entxufe partikularretan (adibidez, garajeetan) edo entitate publiko edo enpresen errekarga zutoinetan birkargatu ahal izan dira soilik.

Beraz, arau edo dekretu honen berrespenarekin, errekargako kudeatzailea sor daiteke.
Azken asteetan hainbat eztabaida izan dira gobernuaren eta interesa duten sektoreetako enpresen artean (energetikoak, autoen emakidadunak edo eraikuntzakoak, esaterako). Eztabaiden ondorioz, gobernuak argi utzi du inposatuko duten eredua ez dela monopolioa izango, sektore elektrikoak eta eraikuntza sektoreak eskatzen zuten moduan.

Gaueko errekarga sustatu

Ministerioak aurreratu zuen bezala, komenigarria izango litzateke gaueko errekarga sustatzea; horregatik, ordu batzuetan tarifa berezia ezarriko da. Ordu horiek ez dira berberak izango udan eta neguan. Adibidez, udako ordutegi berezia (merkeena) goizaldeko ordu batetik zazpietara izango litzateke; neguan, aldiz, ordu bietatik goizeko seietara izango litzateke. Horiek dira, hain zuzen ere, urte osoan kontsumo txikiena izaten dituzten orduak.

Ekonomi Sustapen Sailak lankidetzako hitzarmena sinatuko du Confebask eta Ikaslan erakundeekin, Lanbide Heziketako edo Unibertsitateko ikasketak amaitu dituzten gazteen lanerako gaitasuna hobetzeko xedea izango duena, Europako enpresetan praktikak egiteko eskaintza eginez. Gobernu Kontseiluaren gaurko bileran onartu den laguntza-sortak 195.000 euroko zenbatekoa du guztira eta Leonardo da Vinci eta Erasmus egitarauetarako izango da.

Helburua eta zeregina

Hori dela eta, Confebask (Euskal Enpresarioen Konfederazioa) eta Ikaslan (Bizkaian Bigarren Hezkuntzan Lanbide Heziketa ematen duten Institutu Publikoetako Zuzendarien Elkartea) Europako beste herrialde batzuetan gazteei, lan-merkaturako sarbidea hobetzeko, enpresa arloko esperientzia eta hizkuntza-ezagutzak lortzeko erraztasunak eskaini nahi dizkieten bi egitarau horietako proiektuen kudeatzaileak dira.

Ekintza horiek ere Bizkaiko Foru Aldundiak lanpostuak bilatzeko ezarritako estrategia-ildoen barruan sartzen dira, bereziki Lanbide Heziketatik eta Unibertsitatetik datozen gazteei zuzenduta.

Hitzarmenari esker iaz 174 gaztek hartu zuten parte, 145 Lanbide Heziketatik etorritakoak eta 29 unibertsitatetik.

Gipuzkoako Aldundiak produktu berrien nazioarteko merkaturatzea sustatuko du

Berrikuntzako diputatuak azaldu duenez, Departamentuko internazionalizazio politikarekin bat, produktu berriak nazioartean merkaturatzeko laguntzak 25 gipuzkoar enpresen 27 proiektu lagundu ditu. Guztira 1,3 milio euroko dirulaguntza banatu da.

Aurtengo deialdian 2009ko aurrekontua bikoiztu da, Krisiaren Aurkako laguntzen Programaren ekarpena berriei esker; horrenbestez, dirulaguntzen ehunekoa hamar puntutan igo egin da.

Hegoamerika eta Afrika

Deialdi honetan guztira 42 proiektu aurkeztu dira eta izendatutako dirulaguntza 27 proiektuei eman zaie. Tamaina eta sektore desberdinetako enpresen ekintzak dira, haien artean: Oinarri Teknologikoko Enpresa Berriak, OTEBak aurkeztutako proiektuak.