Innobasquek eta Orkestrak liburua berria argitaratzen dute

Hegan Aeronautikako eta Espazioko Klusterrean sartuta dauden 37 erakundeek 1.167 milioi euro fakturatu zituzten joan den urtean, eta fakturazio horren %64 esportaziora bideratuta egon zen. Heganen sartuta dauden enpresa horiek ekitaldi gogorra bizi izan dute 2009an (Euskadiko enpresa askok bezala), enpleguaren %7ko murrizketa izan baitute; I+G arloko inbertsioari dagokionez, aldiz, %32ko hazkundea izan dute.

Guztira, elkartekideen fakturazioak %5eko murrizketa izan du joan den urteko ekitaldian zehar; bestalde, enpleguaren kasuan, %8,5eko hazkundea izan da. Izan ere, merkatuan dauden gainerako enpresen jarrera mantendu ahal izan dute, gutxiago fakturatu arren. Gauzak horrela, beharginei begira, nahiatezkoa izan da langile kopurua murriztea; dena dela, Heganen aurreikuspenen arabera, posiblea izango da 2011n eta hurrengo urteetan galdutakoa berreskuratzea.

Egungo egoera eta aurreikuspenak

Jose Luis Osoro Heganeko presidenteak klusterraren emaitzak jakinarazi ditu eta sektorearen inguruko datuak plazaratu ditu. Alde positiboan, aeroestrukturen saila izan da arrakastatsuen, salmenten %48,5 eragin baitu; hala ere, kanpoko merkataritzak ere emaitza onak lortu ditu. Geografikoki, 2009an produktu gehien eraman diren lurraldeak hauek izan da: Alemania, (%26,1), Brasil (%19,1), AEB (%17,2) eta Erresuma Batua (%16,3).
Horrez gain, adituek epe luzera egiten dituzten iragarpenen arabera, aurreikuspenak positiboak dira, nahiz eta 2010ean oraindik krisialdiaren ondorioak nabari.

Kubik eraikinak bere ibilbideari hasiera eman dio

Tecnalia Korporazio Teknologikoak Kubik eraikina inauguratu du Bizkaiko Parke Teknologikoan; laborategi hau, punta-puntakoa eta bakana mundu mailan, arkitektura eta eraikuntza-teknologia jasangarri eta ekoeraginkorrak ikertzeko, garatzeko eta inplementatzeko erabiliko da. Hain zuzen ere, proiektu honetan bi milioi euro inguruko inbertsioa egin da.
Era berean, Juan Tomás Hernani, Zientzia eta Berrikuntza Ministerioko Berrikuntzako idazkari nagusia, eta Iñaki Arriola, Eusko Jaurlaritzako Etxebizitza, Herri Lan eta Garraiorako sailburua, proiektuaren inaugurazioan egon dira Beatriz Corredor Etxebizitza Ministroarekin batera, besteak beste.

Eginkizuna eta helburuak

Guztira, industria-arloko 28 enpresak egin dute ekarpena, eraikin honek beren produktuak garatzeko eta merkaturatzeko indarra izan dezakeela uste baitute: Arcelor-Mittal, Financiera y Minera, Prefabricads Etxeberria, Intemper, Ferrari, e.a.
Esan beharra dago, Kubik eraikina modularra, malgua eta desmuntagarria dela; izan ere, energiari eta sinuari dagokionez industrializatuak eta eraginkorrak diren produktu eta ekipoak garatzen ditu. Proiektuaren helburua da eraikuntzako energia-eraginkortasuna hobetzeko kontzeptu, produktu eta zerbitzu berriak garatzea.
Orokorrean, Kubikek Tecnaliaren sare teknologikoari esker, kostu onargarri baten truke berrikuntzan lan egiteko aukera ematen die eraikuntza sektoreko enpresa txiki eta ertainei.