Neiker-Tecnaliak eta URAk baliabide hidrikoak
kontserbatzeko jarduerak egingo dituzte elkarrekin

Hitzarmenaren helburu zehatzak dira azaleko zein lurpeko uren kutsadura ikertzea, kostaldeko eta barnealdeko hezeguneak berreskuratzearen ondorioen jarraipena egitea, eta erriberak leheneratzea eta babestea. Lankidetzan lehenengo sektorera zuzendutako hainbat ekintza ere sartzen dira, hala nola laboreak ureztatzeko beharren gaineko azterketak egitea, ureztatzeko praktika onak zehaztea eta basogintzaren ondorioz zoruan eragiten den erosioak uretan duen eragina aztertzea.

Baliabideen kalitatea

Bi alde sinatzaileek elkarlanean jardungo dute ekosistemak, paisaia eta animali zein landare espezieak babesteko, eta ingurumen baliabideen kalitatea hobetzeko ere lan egingo dute.

Baliabide hibridoak lehenengo sektorearen jarduerari estu lotuta daude eta, horrenbestez, Neiker-Tecnaliak erabateko konpromisoa dauka horren produktibitatea eta lehiakortasuna hobetzeko. Halaber, zentro teknologikoaren helburua da baita ere nekazaritzako elikadura eraldatzeko industriaren, bereizgarriak dituzten produktuen eta oro har kontsumitzaileen kalitaterako eskakizunak asetzea.

The Ten million project, Gipuzkoarentzat egitasmo berritzailerik hoberena aukeratu eta berrikuntza bultzatzeko sortutako ekimena. Gizartearen esparru guztietan pentsamolde berritzailea sustatzeko bide bat. Gipuzkoa hobe bat eraikitzeko asmoarekin, 10 milioi euroko balioa duten ideiak azaleratu eta aurrera eramateko aukera ezin hobea dela diote sortzaileek.

Ekimen honek bilatzen duen proiektua, Gipuzkoa berrikuntzaren planoan kokatuko duen egitasmoa da, zeinak berarekin erlazioa, zuzena nahiz zeharkakoa, duten bestelako proiektuak eta ekintzak bultzatuko dituen eta ondoren aurkezten diren ezaugarriak dituen.

Berritzailea, sinesgarria eta eraginkorra

Proiektuak berritzailea behar du izan eta gizarteari balioa eskaintzeaz gain, ikusmira berri bat eskaini behar dio, ate berri bat ireki.

Bestalde, proiektuak, hipotesi sendoetan oinarritutako negozio plan sinesgarri bat izan behar du atzean. Eraginkortasunari dagokionez, Gipuzkoako gizartearen kohesioa, ongizatea eta oreka areagotzen lagundu behar du.

Lanpostu berrien, aberastasunaren eta ezagutzaren sorrera bultzatu behar du Gipuzkoako lurraldean. Era berean, bere inguruan, zeharkako eta azpikontratatutako jarduerak sortu beharko ditu.

Oro har, jasangarria den egitasmoa bat izan behar da, bai sostengarria bai ingurugiroarekiko errespetua zainduz.