Materialen ikerkuntzarako Consolider
proiektuak aurkeztu dira

Consolider programa Ingenio 2010 estrategiaren barruan dago. Programa horren xedea ezagutza munduan aurrerapenak sustatzea eta ikerkuntza bide originalak eta berriak ezartzea da.

Bestalde, Donostiako Teknologi Parkean egindako topaketaren helburua zientzia eta enpresa munduen artean lankidetza areagotzeko berrikuntzaren hartu-emana sustatzea izan zen. Lankidetza hori material berrien alorrean oinarritzen da, eraikuntza, astronomia eta energia fotovoltaikoaren eremuan, hain zuzen ere. Hainbat enpresa eta erakundetako ordezkariek parte hartu zuten, besteak beste: Euskal Herriko Unibertsitatea, Madrileko Materialen Zientzia Institutua, CAF eta AERNNOVA.

Ingenio 2010 proiektuaren helburua ikerkuntzarekin lotuta dauden zentro publikoen parte hartzea sustatzea da, eta, aldi berean, ikerkuntza taldeen batez besteko tamaina handitzea.

Euskadi 11. postuan kokatu da EBko 27 herrialderen artean

EIS 2008 Berrikuntzari buruzko Europako Indizeak 0,49ko balioa eman dio Euskadiri. Horri esker, Europar Batasuneko 27 herrialderen artean 11. tokia lortu du. Horrez gain, Europako 0,48ko batez besteko indizea gainditu du.

Euskadiren helburua 2012. urterako Europako 10 onenen artean kokatzea da, eta emandako aurrerapauso honekin, xedea gero eta gertuago dauka.

Euskadi zenbait arlotan nabarmendu da, horien artean, Giza Baliabideetan. Kasu horretan, Euskadiko gazteen (20 urtetik 29ra) milako 47,9 Ingeniaritza edo Giza Zientzietako ikasketetan lizentziatu dira; Europako tasa, aldiz, milako 40,3koa da. Beste datu esanguratsu bat Euskadiko biztanleen ikasketa orokorren kopurua izan daiteke; 25 eta 64 urte arteko pertsonen %42,5ek goi-mailako heziketa du Euskadin, ia EBko bikoitza (%23,5).

Modu berean, teknologia ertain eta altuko esportazioak, esportazio guztien artean, %53,6koak dira Euskadin, hots, EBn baino 5,5 puntu gehiago.

Alde negatiboan

Euskadirako negatiboak diren datuak ere badaude, izan ere, arrisku-kapitalera bideratutako BPGren portzentajea 0,03koa da; aitzitik, Europako batez bestekoa %0,16aren inguruan dago.

Bestalde, ETEen portzentajea (berrikuntza teknologikorik gabekoak) %27,1ekoa da Euskadin, eta, beraz, EBko batez bestekotik urrun geratzen da (%40).

Gel hidratatzaile berriaren eraginkortasuna egiaztatzen da

GAIKER-IK4 Zentro Teknologikoak 'in Vitro' ikerketen bitartez lehortasunaren aurka egiten duen gel baten gaitasun hidratatzailea frogatu eta egiaztatu du. Gel horren garapena LETI Laborategiak eraman dituzte aurrera. Produktua egokia da ume, nagusi eta emakume haurdunentzat.

GAIKER-IK4k egindako ikerkuntza sudur-trenkadako zelulak erabiliz eraman da aurrera. Horrez gain, ez da beharrezkoa izan azterketarako animaliak erabiltzea, ezta gizakietan frogak burutzea.

Gaitasun hidratatzaileari dagokionez, emaitzek adierazten dute, gel hori eman eta 18 ordu igaro ondoren, azido hilauronikoaren maila altuagoa dela gel horrekin tratatutako zeluletan.

LETI Laborategiak

LETI Laborategiak enpresa biofarmazeutikoa da, eta bere egoitza nagusia Bartzelonan kokatuta dago, hala ere, Alemania eta Portugalen ere baditu eskumendeko enpresak eta banatzaile esklusiboak Europa, Amerika eta Afrikako herrialde desberdinetan.

Sektore biofarmazeutikoren enpresentzat produktu berriztatzaile eta patentatuak izatea beharrezkoa da nazioartean hazteko. Horregatik, hurrengo bost urtetan zehar, LETIk bere fakturazioaren %13 eta 15 artean proiektu honi eskaintzea aurreikusten du.